Спорт тарихидаги энг қиммат битим имзоланди

 

АҚШнинг машҳур баскетбол клуби “Los-Anjeles Leykers” акцияларининг назорат пакети 10 миллиард долларга сотилди — бу жаҳон спорт тарихидаги энг катта молиявий келишув сифатида қайд этилмоқда.

 

TWG Global компаниясининг раҳбари, миллиардер Марк Уолтер клубнинг янги эгасига айланди. У илгари ҳам “Leykers”да улушга эга бўлган ва эндиликда франчайзинг устидан тўлиқ назоратни қўлга киритди. Уолтер шунингдек, “Los-Anjeles Dodjers”, “Chelsi” ва бошқа йирик спорт жамоаларининг ҳам эгаси ҳисобланади.

 

Битимнинг шартларига кўра, 1979 йилдан бери жамоани бошқариб келган Басслар оиласи 15 фоиз улушини сақлаб қолади. Жини Басс эса клуб президенти ва НБАдаги вакил сифатида фаолиятини давом эттиради.

 

Мазкур келишув NBA'даги ва умуман глобал спорт соҳасидаги молиявий фаолликнинг ортиб бораётганини кўрсатмоқда. Бунгача 2024 йил бошида “Boston Celtics” 6,1 миллиард долларга сотилиши эълон қилинганди, аммо бу битим ҳали якуний тасдиқдан ўтмади.

 

Уолтернинг баёнотига кўра, у клубнинг тарихий меросини сақлаб қолиш, спортдаги муваффақиятларини давом эттириш ва янги чўққиларни забт этиш ниятида.