Арманистон ва Евроиттифоқ мудофаа соҳасида ҳамкорлик қилмоқчи
Евроиттифоқ расмийлари алоқаларни кенгайтиришга тайёрлигини билдирган.
Арманистон ва Европа Иттифоқи мудофаа йўналишида расмий музокараларни бошлади. Бу ҳақда Арманистон ташқи ишлар вазири Арарат Мирзоян маълум қилди.
Унинг сўзларига кўра, томонлар хавфсизлик ва мудофаа соҳаларидаги ҳамкорлик имкониятларини очиқ муҳокама қилмоқда.
Мирзоян Европа Иттифоқи билан ҳарбий-техник алоқаларни кучайтириш Арманистон учун муҳим эканини таъкидлади. У, шунингдек, бу минтақавий барқарорликка ҳисса қўшишини айтди.
Евроиттифоқ расмийлари ҳам Ереван билан хавфсизлик борасидаги алоқаларни кенгайтиришга тайёрлигини билдирган.
