Аномал иссиқлик сабабли Францияда мактаблар ёпилмоқда
Экстремал жазирама туфайли Францияда мингдан ортиқ мактаб вақтинча фаолиятини тўхтатди.
Францияда давом этаётган экстремал иссиқ ҳаво туфайли 1350 га яқин мактаб ўз фаолиятини вақтинча тўхтатди. Бу ҳақда маҳаллий ҳокимият вакиллари хабар берган.
Таъкидланишича, айрим таълим муассасалари тўлиқ, бошқалари эса қисман ёпилган бўлиб, бу чоралар бир кунлик вақтга мўлжалланган. Ёпилишлар мамлакат бўйлаб аномал ҳарорат кўтарилиши билан изоҳланмоқда.
Франциянинг расмий Метеор-Франсе агентлиги 16 та департаментда, жумладан, Парижда энг юқори — қизил хавф даражасини эълон қилган. Яна 68 та департаментда эса апельсин (оранжевий) хавф даражаси кучда қолмоқда.
Мутахассислар бугун ҳаво ҳарорати 20°С дан 41°С гача кўтарилиши мумкинлигини билдирган. Иссиқлик тўлқини туфайли аввалги куни ҳам 750 га яқин мактаб фаолиятини тўхтатган эди.
Расмийлар бу ҳарорат ўқувчилар ва ўқитувчилар саломатлигига жиддий хавф туғдиришини ҳисобга олиб, мактабларни ёпиш чораси энг тўғри қарор эканини таъкидламоқда.
