Ким Чен Ин Курскда ҳалок бўлган шимолий кореялик аскарлар жасадини тантанали кутиб олди
Курск фронтида 4700 дан ортиқ аскар ҳалок бўлгани айтилмоқда.
Шимолий Корея етакчиси Ким Чен Ин Россияда ҳалок бўлган шимолий кореялик аскар жасадини Пхенян аэропортида ҳарбий тантана билан кутиб олди. Ҳарбийлар саф тортган ҳолда ўтказилган маросимда Ким шахсан иштирок этди, бу эса қурбон бўлган ҳарбийларга КХДР раҳбарияти эътиборини кўрсатмоқда.
30 июнь куни давлат телевидениеси Ким Чен Иннинг аскарнинг байроқ билан қопланган тобути олдида тиз чўкиб, кўз ёш тўкаётганини кўрсатган лавҳаларни эфирга узатди. Ушбу маросим 29 июнь куни Шарқий Пхенян Катта Театрида Россия билан стратегик шериклик шартномасининг бир йиллиги муносабати билан ўтказилган эди.
Тадбир давомида Россияга юборилган Шимолий Корея аскарлари ҳақидаги видеолар катта экранда намойиш қилинди. Маросимда Кимнинг қизи Чу Аэ ва синглиси Ким Ё Чжон иштирок этгани, Кимлар сулоласининг аскарлар хотирасини шахсан шарафлаётганини ифодалайди. Бироқ фақат 4-5 тобут кўрсатилгани фонида Курск фронтида 4700 дан ортиқ аскар ҳалок бўлгани айтилмоқда, бу эса маросимнинг символик характерини англатади.
Бундан ташқари, илк бор телевидениеда Ким Чен Иннинг “Курскни озод этиш операцияси” режаси учун имзо қўяётгани кўрсатилди. Шу билан бирга, июль–август ойларида Шимолий Корея Россияга яна 6 мингга яқин ҳарбий муҳандис ва қурувчини юборишни режалаштираётгани маълум қилинди.
