Бош оғриғи сабаби юрак семизлиги бўлиши мумкин
Миокарддаги ёғ – юрак ритмини бузади, соғлиқни ёмонлаштиради.
Юрак семизлиги (миокард ёғли дистрофияси)нинг дастлабки босқичларида бош оғриғи, жисмоний толиқиш, қон босимининг кўтарилиши ва нафас қисиши каби белгилар кузатилади.
Oxu.Az хабарига кўра, бу ҳақда Gazeta.ru билан суҳбатда кардиолог Анастасия Иванитская маълум қилган.
Шифокорнинг айтишича, юракда ёғ тўпланиши натижасида юрак мушаклари (миокард)нинг эгилувчанлиги пасаяди, бу эса артериал гипертония ва юрак етишмовчилигига олиб келади.
“Бош оғриғи, жисмоний фаолликка тоқатнинг камайиши, босимнинг кўтарилиши, юрак уришидаги узилишлар ва нафас етишмовчилиги — булар юрак семизлигининг дастлабки аломатлари. Вақт ўтиши билан оёқларда шиш, қорин бўшлиғида суюқлик йиғилиши (ассит) ва юрак аритмиялари кучайиб боради. Бу эса газ алмашинувининг бузилишига ва умумий соғлиқ ҳолатининг ёмонлашишига сабаб бўлади”, — дейди Иванитская.
Шифокорнинг маълумотларига кўра, юрак ҳужайралари (кардиомиоситлар)нинг ёғ билан тўйиниши уларнинг электрофизиологик фаоллигини пасайтиради, бу эса юрак ритмидаги бузилишларга — тез (тахикардия) ёки секин (брадикардия) уришга олиб келади.
Олдини олиш учун қуйидагилар муҳим:
Соғлом овқатланиш;
Мунтазам жисмоний фаоллик;
Ортиқча вазннинг олдини олиш;
Юрак соғлиғини назорат қилиш.
