Азизбек Урунов Президентнинг Жаҳон савдо ташкилоти бўйича расмий вакили лавозимига тайинланди

Ўзбекистон Республикаси Президенти фармонига кўра, давлат хизматининг турли йўналишларида қатор янги тайинловлар амалга оширилди. Қуйидаги мутасаддилар янги лавозимларга тайинланди:

 

Эркин Юлдашев — Президент Администрациясининг Комплаенс хизмати бошлиғи этиб тайинланди.

 

Азизбек Урунов — Президентнинг Жаҳон савдо ташкилоти бўйича расмий вакили лавозимини эгаллади. Шу муносабат билан у ЖСТ бўйича махсус вакил лавозимидан озод қилинди.

 

Азиз Магрупов — Президентнинг ташқи инвестициялар бўйича вакили лавозимини эгаллади. У бунга қадар ушбу соҳа бўйича президент маслаҳатчиси бўлган.

 

Алишер Султанов — энергетик хавфсизлик бўйича Президент вакили этиб тайинланди. Шу асосда у энергетика масалалари бўйича маслаҳатчи лавозимидан озод қилинди.

 

Одил Абдураҳмонов — Президентнинг спорт бўйича вакили лавозимини эгаллади. У илгари Президент Администрациясининг Ижтимоий ривожланиш департаменти раҳбари бўлган.

 

Ушбу тайинловлар давлат бошқарувининг стратегик йўналишларида мутахассислар салоҳиятидан самарали фойдаланишга қаратилган.