Канада БМТда Фаластин давлатини тан олишни кўриб чиқмоқда
Оттава томонидан бу ташаббус БМТ ва бошқа халқаро платформаларда, жумладан август-сентябрь ойларида бўлиб ўтадиган асосий йиғилишларда илгари сурилиши режалаштирилган.
Канада бош вазири Марк Карни ўзининг X (собиқ Twitter) саҳифасида баёнот бериб, мамлакати Фаластин давлатини БМТда тан олиш бўйича фаол ишлашни мақсад қилаётганини билдирди. У "Исроил ва Фаластин халқлари учун тинчлик ва хавфсизликни таъминловчи икки давлат тамойилини" қўллаб‑қувватлашини таъкидлади.
Карнининг таъкидлашича, Канада бу ниятни амалга ошириш учун жаҳон ташкилотларида, жумладан, БМТда бўлиб ўтадиган Фаластин масаласига бағишланган конференция ва ташқи ишлар вазирлари йиғилишида ташаббус билан фаол қатнашади.
Қўшимча равишда, Канада яна сентябрь ойидаги БМТ Бош Ассамблеяси сессиясида Фаластин давлатини тан олиш режаси борлигини эълон қилган Франция қарорини мисол келтирган.
