Камбоджа ва Таиланд ўртасида сулҳ битими эълон қилинди
Томонлар Трамп воситачилигида ўт очишни тўхтатишга келишди.
Камбоджа ва Таиланд ўртасида юзага келган ҳарбий зиддият юзасидан томонлар ўқ узишни тўхтатишга келишиб олди. Бу сулҳ АҚШ президенти Дональд Трамп воситачилигида эришилганини Камбоджа бош вазири Хун Сен эълон қилди.
Хун Сеннинг сўзларига кўра, Трамп билан телефон орқали мулоқотда Америка раҳбари можаронинг инсоний талофотларга олиб келганидан жиддий хавотир билдирган ва тинчликни таъминлаш зарурлигини алоҳида таъкидлаган.
Трамп, шунингдек, Таиланд бош вазири вазифасини бажарувчи Фумтам Вечаячай билан ҳам суҳбатлашгани, у ҳам ўт очишни тўхтатиш бўйича таклифни маъқуллаганини Хун Сенга билдирган.
Ҳозирча сулҳ шартлари эълон қилинмаган бўлса-да, томонларнинг шартсиз равишда ҳарбий ҳаракатларни тўхтатишга келишгани ижобий дипломатик қадам сифатида эътироф этилмоқда.
