“Омадсиз” — Трамп Медведовга “ташланди”. Россия расмийси эса АҚШ президентини қўрқитмоқда

Россия Хавфсизлик Кенгаши раиси ўринбосари, мамлакатнинг собиқ президенти Дмитрий Медведев яқинда Россияга нисбатан иккиламчи санкциялар жорий қилинса, Қўшма Штатларга қарши уруш очиш билан таҳдид қилган эди.

 

"Менга Ҳиндистон Россия билан нима қилаётгани мутлақо аҳамияциз. Улар ўша ўлик иқтисодиётларини бирга чўктираверсинлар — менга барибир. Биз Ҳиндистон билан жуда кам ҳамкорлик қиламиз. Худди шунингдек, Қўшма Штатлар Россия билан ҳам деярли ҳеч қандай ҳамкорлик қилмайди. Ўзини ҳануз Россия президенти деб ҳисоблайдиган омадсиз, собиқ президент Медведевга етказинг, гапларини ўйлаб гапирсин. У жуда хавфли ҳудудга кириб келяпти," — деб ёзди АҚШ президенти Truth Social ижтимоий тармоғидаги саҳифасида.

 

Шундан сўнг, Медведев Трампнинг ушуб баёнотига жавоб қайтариб, Оқ уй раҳбарига “Ўлик қўл” билан таҳдид қилди

 

Россия Хавфсизлик Кенгаши раисининг ўринбосари "Жаҳлдор Трампнинг асабий реакцияси Россия ҳар томонлама ҳақ экани ва ўз йўлида давом этишини англатади", — деб ёзди саҳифасида.

 

Шунингдек, можароли постлари билан танилган Медведев АҚШ президентига “Ўлик қўл” қанчалик хавфли бўлиши мумкинлигини" эслатиб ўтди.

 

Маълумот учун, “Ўлик қўл” деб Совет Иттифоқида “Совуқ уруш” даврида ишлаб чиқилган "Периметр" номли автоматлаштирилган ядровий жавоб тизими аталади. Бу тизим мамлакат раҳбарияти йўқ қилинган ва буйруқ марказлари билан алоқа узилган тақдирда, оммавий ядро зарбасини автоматик тарзда амалга ошириши учун яратилган.