Трамп ва Нетаньяху телефон мулоқотида жанжаллашди
Нетаньяху Ғазодаги очарчилик ҳақидаги маълумотларни рад этди, Трамп эса норозилик билдириб, ҳақиқий очлик борлигини таъкидлади
NBC телеканали маълумотларига кўра, суҳбат давомида Исроил бош вазири Нетаньяху Ғазодаги очарчилик ҳақида тарқалган маълумотларни ёлғон ва Хамас ҳаракати томонидан тарқатилган пропаганда деб атади. Бу баёнотга жавобан президент Трамп ўз норозилигини билдириб, Нетаньяху гапини бўлиб, унга “очарчилик мавжудлигини инкор қилмасликни” талаб қилгани айтилмоқда.
Трамп, шунингдек, ёрдамчилари томонидан тақдим этилган, Ғазода оч қолаётган болалар ҳақидаги далилларни мисол қилиб келтирди ва бу вазиятни “тақлид қилиб бўлмайдиган ҳақиқий очлик” деб баҳолади.
NBC хабарига кўра, Оқ уй бу телефон мулоқотига оид изоҳ беришдан бош тортиб, аммо Америка-Исроил томонидан қўллаб-қувватланаётган ёрдам дастурлари Ғазо секторида гуманитар вазиятнинг жиддийлигидан хавотир билдирамоқда.
Исроил бош вазирлиги эса расмий баёнотида Трамп ва Нетаньяху ўртасида жанжал юзага келгани ҳақидаги хабарларни мутлақо инкор қилди ва бундай даъволарни “сўxta” деб атади.
Шу билан бирга, Исроил ҳукумати Ғазо секторида кенг кўламли ҳарбий амалиётларни режалаштираётгани ҳақида маълумотлар мавжуд бўлиб, бу минтақадаги вазиятни янада мураккаблаштирмоқда.
