АҚШда Конгресс номзоди Қуръонни ёқиб юбoрди
26 ёшли сиёсатчи ижтимоий тармоқларда эътиқод эркинлигига зид чиқиши билан танқидга учради.
АҚШда Республикачилар партиясидан Конгрессга номзод бўлаётган 26 ёшли Валентина Гомеснинг чиқиши катта эътирозларга сабаб бўлди. У ижтимоий тармоқларда тарқалган видеомурожаатида Қуръонни ёқиб юбoрган ҳамда ислом динига қарши кескин баёнотлар билдирган.
Видеода Гомес “Ислом йўқ қилиниши керак”, дея чақириқлар қилган, мусулмонларни ҳақорат қилувчи ибораларни ишлатган. Шунингдек, у “Америка — христиан давлати” эканини таъкидлаб, мусулмонларни АҚШни тарк этиб, “57 мусулмон давлатидан бирига кўчиб кетишга” ундаган.
Мазкур воқеа АҚШ ҳамда халқаро миқёсда кескин норозилик уйғотди. Жамоатчилик ва ҳуқуқшунослар Гомеснинг ҳаракатини диний эътиқод эркинлигига зид ва нафрат қўзғатувчи хатти-ҳаракат сифатида баҳоламоқда.
