0
Бухорода 2 қаватли уйда газ портлади
Ҳодиса оқибатида 2 киши тан жароҳати олган.
Бугун, 31 январ куни соат 08:23 да 112 тизими орқали Бухоро вилояти, Қоракўл туманидаги «Тинчлик» МФЙ, «Шўробод» кўчасида жойлашган икки қаватли уй хонадонларидан бирида газ-ҳаво аралашмасининг чақнаши содир бўлганлиги тўғрисида Фавқулодда вазиятлар бошқармасига хабар келиб тушган. Бу ҳақда ФВБ матбуот хизмати хабар берди.
Вазият юзасидан зудлик билан ФВБ қутқарувчилари ва бошқа тегишли хизматлар воқеа жойига етиб борди ва ҳозирда барча оқибатлар бартараф этилмоқда.
Дастлабки маълумотларга кўра, чақнаш газ плитасидан фойдаланиш жараёнида сизиб чиққан газ туфайли юзага келган.
Ҳодиса натижасида 2 нафар фуқаро тан жароҳати олиб, шифохонага етказилган. Ҳалок бўлганлар йўқ.
