Қозоғистон Президенти янги Конституция бўйича референдум санасини белгилади
Адвокатлар ва ҳуқуқ фаоллари тузатишлар президент ваколатларини кенгайтириши ва фуқаролар назоратини кучайтириши мумкинлигини билдирмоқда.
Қозоғистон Президенти Қосим-Жомарт Тоқаев 15 март куни мамлакат Конституциясига ўзгартиришлар киритиш бўйича референдум ўтказишни белгиловчи фармонни имзолади. Бу ҳақда ББС хабар берди.
Асосий ўзгаришлар қуйидагиларни ўз ичига олади:
- икки палатали парламентдан бир палатали моделга ўтиш;
- Конституциянинг халқаро шартномалардан устунлигини мустаҳкамлаш.
Фармон қабул қилиниши билан Конституциявий комиссия тузатишларнинг якуний версиясини эълон қилди. Оммавий ахборот воситаларида тарқалган маълумотларга қарамай, рус тилининг мақоми ўзгармаган ва норасмийлиги сақланиб қолади.
Аввалроқ, янги Конституция матнининг 80 фоиздан ортиғи қайта ёзилган ва 77 та моддага тузатишлар киритилгани хабар қилинган эди. Президент Тоқаев тузатишларнинг қабул қилиниши Қозоғистон ривожланишига кучли туртки беришини ва ҳар бир фуқаронинг салоҳиятини рўёбга чиқаришга ёрдам беришини таъкидлади.
“Сўнгги йиллардаги сиёсий ислоҳотларнинг кенг қамровли кўриниши бизга Қозоғистон ниҳоят суперпрезидентлик бошқарув шаклидан воз кечиб, нуфузли ва таъсирчан парламентга эга президентлик республикасига ўтганини кўриш имконини беради”, – деди давлат раҳбари.
Бироқ, адвокатлар ва инсон ҳуқуқлари фаоллари янги Конституция лойиҳаси президент ваколатларини кенгайтириб, давлат ҳокимиятининг бошқа органларини заифлаштириши ва фуқаролар устидан назоратни кучайтириши мумкинлигини таъкидлашмоқда.
