Эрдоған Туркия аҳолисининг камайиб бораётганидан хавотир билдирди
Мамлакатда табиий туғилиш эвазига аҳоли кўпайиши қуйи нуқтага етган.
Туркия Президенти Ражаб Тоййиб Эрдўғон мамлакат аҳолисининг камайишидан хавотир билдирди.
TRT Haber телеканалининг хабар беришича, у Эфиопиядан қайтаётган самолётда журналистларга бу ҳақда гапирган. Президент Туркия бу йил оилавий масалаларга алоҳида эътибор қаратаётганини ва уларни асосий устувор вазифа қилиб қўяётганини таъкидлади.
Туркия раҳбари мамлакат аҳолиси камайиб бораётганини ва қайд этилган рақамлар вазиятни хавотирли ҳолатга» тушираётганини билдирди.
Таъкидлаш керакки, мамлакатда табиий туғилиш эвазига аҳоли кўпайиши қуйи нуқтага етган. Туркия статистика институти (ТÜİК)нинг маълумотларига кўра, Туркия аҳолиси 2025 йилда ўтган йилга нисбатан 427 224 кишига кўпайиб, 86 092 168 кишига етди.
