Олмаотадан 40 нафар ўзбекистонлик депортация қилинди
Аниқланган шахслар миграция тартибларини бузган ва шу сабабли қонунчиликка мувофиқ равишда мамлакатдан чиқариб юборилган.
Қозоғистоннинг Олмаота шаҳрида миграция қонунчилигини бузганликда айбланган 40 нафар Ўзбекистон фуқароси мамлакатдан депортация қилинди. Бу ҳақда маҳаллий ҳуқуқни муҳофаза қилувчи органлар маълумотларига таяниб Казинформ хабар берди.
Олмаота полиция департаменти Миграция хизмати раҳбари Еркин Амантаевнинг таъкидлашича, аниқланган шахслар миграция тартибларини бузган ва шу сабабли қонунчиликка мувофиқ равишда мамлакатдан чиқариб юборилган. Унинг сўзларига кўра, асосий вазифа — қонунийлик ва жамоат тартибини таъминлаш, шунингдек, шаҳар ҳудудида бўлиб турган барча хорижий фуқаролар томонидан қонунларга риоя этилишини назорат қилишдан иборат.
Олмаота шаҳар полиция бошқармаси маълумотига кўра, депортация жараёни қонуний тартибда ва барча хавфсизлик талаблари асосида ташкил этилган. Хусусан, фуқаролар ҳужжатлаштирилган ҳолда махсус режалаштирилган транспорт воситасида Қозоғистон–Ўзбекистон чегарасига олиб борилган.
