2025 йилда дунё бўйлаб рекорд даражада журналистлар ўлдирилди — CPJ
104 нафар журналист ҳарбий можаро ҳудудида ўлдирилган, 86 нафари Исроил мудофаа кучларига тўғри келади.
Журналистларни ҳимоя қилиш қўмитаси (CPJ) маълумотларига кўра, 2025 йилда бутун дунё бўйлаб 129 нафар оммавий ахборот воситалари ходими ўлдирилган. Бу кўрсаткич CPJ 1992 йилдан бери юрита бошлаган статистикада энг юқори кўрсаткич ҳисобланади ва кетма-кет иккинчи йил ошганини билдиради.
Ҳужжатга кўра, ўлдирилган 129 журналистнинг 104 нафари ҳарбий можаролар давомида ҳалок бўлган. Уларнинг 86 нафари учун Исроил мудофаа кучлари жавобгар ҳисобланади. 2024 йилда Фаластин-Исроил можароси авж олган пайтда 85 нафар фаластинлик журналист ҳалок бўлган эди.
CPJ журналистларнинг дрон ҳужумлари натижасида тобора кўпроқ ҳалок бўлаётганини қайд этди — 2025 йилда камида 39 нафар журналист шундай ҳодисаларда вафот этган. 2023 йилда қўмита бундай икки ҳодисани қайд этган эди.
2024 йилда жами 124 нафар журналист ҳалок бўлган, 2025 йилда эса бу кўрсаткич янада ошиб, глобал журналист хавфсизлиги бўйича жиддий хавотир уйғотмоқда.
