Павел Дуров: Telegram блокировкаларни четлаб ўтишда давом этади
Россияда Telegram блокланиши ортидан Федерацияда Ўзбекистон SIM-карталарини сотиб олиш кўпаймоқда.
Россия-Украина уруши даврида Федерацияда Telegram блокланишига қарамай 65 миллион киши VPN орқали бу мессенжердан фойдаланаётган эди.
Ҳукуматнинг VPN хизматларини тақиқлашга уриниши банк инқирозига олиб келди — кеча бутун мамлакатда фақат нақд пул билан тўлов қилиш имкони қолди.
Дуров вазиятни Эрон билан солиштирди: "Ҳукумат кузатув иловалари тарқалишини кутганди, лекин VPN оммалашиб кетди". Эндиликда "Рақамли қаршилик" сафига Эрондаги 50 миллионлик жамоадан ташқари, Россиядан ҳам яна 50 миллиондан ортиқ фойдаланувчи қўшилди.
"Рақамли қаршиликка хуш келибсиз, россиялик биродарларим. Бутун мамлакат бемаъни чекловларни айланиб ўтиш учун бирлашди. Биз Телеграм трафигини аниқлаш ва блоклашни янада қийинлаштириш орқали мослашишда давом этамиз", — деб ёзади Дуров ўзининг Telegram каналида.
Телеграмнинг Россияда блокланиши ортидан мамлакатда Ўзбекистон SIM-карталарини оммавий равишда сотиб ола бошлади.
Энди VPN'лардан фойда йўқлиги сабаб Россияда Ўзбекистон SIM-карталари ва eSIM-карталарига талаб кескин ортиб кетди. Шу орқали мигрантлар ижтимоий тармоқларга доимий кириш имкониятига эга бўлишмоқда.
Ўзбекистон SIM-карталарининг асосий афзаллиги — Telegram ва бошқа ижтимоий тармоқлар VPN'сиз ҳам ишончли ва тез ишламоқда.
Шоҳжаҳон Мажид
Zamon.uz мухбири
