Эрондаги уруш очарчилик хавфини 360 миллиондан ошириши мумкин
Мамлакатдаги ҳарбий можаро дунёда озиқ-овқат хавфсизлиги муаммоларини чуқурлаштирмоқда.
Халқаро валюта жамғармаси (ХВЖ) бошқарувчи директори Кристалина Георгиева Эрондаги ҳарбий можаролар глобал озиқ-овқат хавфсизлигига жиддий салбий таъсир кўрсатиши мумкинлигини маълум қилди. Бу ҳақдаТАСС хабар берди.
Унинг таъкидлашича, АҚШ ва Исроилнинг Эронга қарши ҳарбий операциялари оқибатида дунё бўйлаб очарчилик хавфи остида яшаётган инсонлар сони 45 миллион кишига ошиб, умумий кўрсаткич 360 миллиондан юқори даражага етиши мумкин.
Георгиева Вашингтонда бўлиб ўтган брифингда таъкидлашича, айни пайтда озиқ-овқат хавфсизлиги билан боғлиқ вазият янада оғирлашиши эҳтимоли мавжуд.
“Саёҳат чекловлари, таъминот занжиридаги узилишлар ва ўғит нархларининг ошиши натижасида қўшимча 45 миллион одам очлик хавфи остига тушиши мумкин,” — деди ХВЖ раҳбари.
Шунингдек, у глобал бозорлар учун асосий хавфлардан бири сифатида логистика узилишлари ва озиқ-овқат ресурслари нархларининг ошишини қайд этган.
