OpenAI ва ChatGPT АҚШдаги отишма иши бўйича судга тортилиши мумкин
Отишмада ҳалок бўлган талабадан бирининг оиласи ҳужумчи чатботдан маслаҳат олганини даъво қилмоқда.
АҚШда OpenAI ва унинг сунъий интеллект маҳсулоти ChatGPT Флорида штатидаги университетда содир бўлган отишма билан боғлиқ иш юзасидан судга тортилиши мумкин. Бу ҳақда The Times хабар берди.
Маълум қилинишича, Флорида университетида ўтган йил апрель ойида юз берган отишма оқибатида икки киши ҳалок бўлган, яна беш киши жароҳат олган. Ҳужумни талаба Феникс Эичнер содир этган. У ҳозирда ҳибсда бўлиб, суд жараёни жорий йил октябрь ойига режалаштирилган.
Ҳалок бўлганлардан бири — Роберт Моралеснинг оиласи ҳужумчи отишмадан олдин ChatGPT билан мунтазам мулоқотда бўлганини ва ундан маслаҳат олган бўлиши мумкинлигини даъво қилмоқда. Шу асосда улар OpenAI компаниясини ҳам судга беришни режалаштирмоқда.
Компания вакиллари эса ушбу воқеа юзасидан ҳуқуқни муҳофаза қилувчи органлар билан тўлиқ ҳамкорлик қилинаётганини билдирган.
