Ўзбекистон бокс терма жамоаси Осиё чемпионатида 3 та олтин медални қўлга киритди
Ўзбекистон терма жамоаси мусобақани жами 11 та медаль билан якунлади.
Бугун, 10 апрель куни Монголия пойтахти Улан-Батор шаҳрида ўтаётган бокс бўйича Осиё чемпионати якунланди. мусобақада Ўзбекистон терма жамоаси 3 та олтин медалга эга чиқди.
Бугунги финал беллашувларда рингга кўтарилган -65 кг вазнда Абдуллоҳ Мадаминов, -80 кг вазнда Фазлиддин Эркинбоев ва -90 кг вазнда Ҳалимжон Мамасолиев рақибларидан устун келди ва Ўзбекистон терма жамоасига турнирдаги илк олтин медалларни келтирди. - 85 кг вазнда Жасурбек Йўлдошев ва 75 кг вазнда Жавоҳир Абдураҳимов эса финалда мағлуб бўлиб кумуш медалларга эга чиқди. Шундай қилиб, Ўзбекистон терма жамоаси мусобақани умумий 3 та олтин, 4 та кумуш ва 4 та бронза медаллари билан якунлади.
Терма жамоанинг Осиё чемпионатидаги ғолиб ва совриндорлари:
Олтин медаль: -65 кг – Абдуллоҳ Мадаминов, -80 кг – Фазлиддин Эркинбоев, -90 кг – Ҳалимжон Мамасолиев;
Кумуш медаль: -75 кг – Жавоҳир Абдураҳимов, -85 кг – Жасурбек Йўлдошев, -75 кг – Азиза Зокирова, -80 кг – Рухшона Парпиева;
Бронза медаль: -60 кг – Абдураҳмон Маҳмуджонов, -57 кг – Нигина Ўктамова, -70 кг – Ойша Тоирова, +80 кг – Олтиной Сотимбоева.
