Жо Байденнинг ўғли қарзлари туфайли АҚШдан қочиб кетти
Ҳантер Байден адвокатлар олдидаги 50 минг доллардан ортиқ қарздорликни тўламаган.
Ҳантер Байден суд жараёнлари ва молиявий мажбуриятлар фонида АҚШ ҳудудини тарк этгани ҳақида хабарлар тарқалди.
РИА Новости томонидан эълон қилинган суд ҳужжатларига кўра, у собиқ адвокатлари билан давом этаётган суд ишлари жараёнида мамлакатни тарк этган. Winston & Strawn юридик фирмаси маълумотига кўра, Байден кичик бир нечта ишлар бўйича юридик хизматлар учун тўловларни тўлиқ амалга оширмаган.
Ҳужжатларда қайд этилишича, унинг қарздорлиги фоизлар билан бирга 50 минг АҚШ долларидан сезиларли даражада ошиб кетган. Шу билан бирга, суд материалларида у ҳозирда чет элда яшаётгани ва мавжуд адвокатлари хизматлари учун тўлов қилиш имкониятига эга эмаслиги таъкидланган.
Жо Байденнинг ўғли ҳисобланган Ҳантер Байден АҚШ тарихида жиноий айбловларга дуч келган амалдаги президент фарзанди сифатида эътироф этилган. У Калифорнияда солиқ тўлашдан бўйин товлаганлик бўйича айбланиб, 2017–2018 йилларда 100 минг доллардан ортиқ солиқни тўламаганликда гумон қилинмоқда.
Бундан ташқари, Делаваре штатида унга нисбатан ноқонуний қурол сақлаш билан боғлиқ алоҳида айблов ҳам илгари сурилган. Мазкур айблов қонунчиликка мувофиқ, ўн йилгача озодликдан маҳрум қилиш жазоси билан баҳоланиши мумкин.
Аввалроқ Жо Байден ўғлини афв этиш тўғрисида қарор қабул қилган эди. Ушбу қарор АҚШ сиёсий доираларида турлича баҳоланиб, жумладан Доналд Трамп томонидан танқид қилинган.
