АҚШ ва Эрон учрашуви 20 апрель куни ўтиши мумкин
Учрашув ҳозирча расман тасдиқланмаган.
АҚШ ва Эрон ўртасидаги музокараларнинг навбатдаги босқичи бўйича янги сана маълум қилинди.
The Wall Street Journal нашри АҚШ маъмуриятидаги юқори лавозимли манбага таяниб хабар беришича, икки томон ўртасидаги учрашув 20 апрель куни Покистонда бўлиб ўтиши мумкин.
Қайд этилишича, музокаралар ҳозирча расман тасдиқланмаган бўлсада, АҚШ президенти Доналд Трамп жамоаси тўлиқ тайёргарлик ҳолатида бўлиб, музокараларда иштирок этишга тайёр.
Нашр маълумотига кўра, ўтган дам олиш кунлари ҳам бир нечта мулоқотлар ўтказилган, бироқ можаронинг якуний ечимига олиб келувчи муҳим натижага эришилмаган.
Аввалроқ The Express Tribune Покистон расмийлари АҚШ ва Эрон ўртасидаги навбатдаги музокаралар босқичига тайёргарлик кўраётгани ҳақида хабар берган эди. Унга кўра, Исломободдаги Серена меҳмонхонаси яна хорижий делегацияларни қабул қилиши мумкин.
