Ливан Президенти мамлакат энди урушларда пиёда ролида эмаслигини айтди
Жозеф Аун мамлакат энди "ҳеч кимнинг уруш майдони" бўлмаслигини ва Исроил билан сулҳ доимий келишувлар устида ишлашга олиб келиши кераклигини билдирди.
17 апрель куни президент Жозеф Аун жамоатчиликка қилган мурожаатида Ливан энди "ҳеч кимнинг ўйинидаги пиёда ҳам, урушлар майдони ҳам эмаслигини ва бундай ҳолатлар бошқа қайтармаслигини" маълум қилди.
Унинг нутқи Ливан ва Исроил ўртасида 10 кунлик сулҳ эълон қилинганидан бир кун ўтиб янгаради. 2 март куни Ҳизбуллоҳ Эронни қўллаб-қувватлаш учун Исроилга қарат ўқ узган эди. Бу уруш 2200 дан ортиқ одамнинг ўлимига ва бир миллиондан ортиқ одамнинг уйини ташлаб кетишига сабаб бўлган эди.
Ауннинг айтишича, улар "сулҳ тузиш устида ишлашдан халқимиз ҳуқуқларини, еримизнинг бирлигини ва миллатимиз суверенитетини ҳимоя қилувчи доимий келишувлар устида ишлашга ўтиш" босқичига киришмоқда.
У ҳарбий ҳаракатларни тугатишга ёрдам берганларга, хусусан, Қўшма Штаталар президенти Доналд Трамп, Саудия Арабистони ва бошқа араб давлатларига миннатдорчилик билдирди.
"Бизнинг мақсадимиз аниқ ва эълон қилинган: Исроилнинг еримиз ва халқимизга қарши тажовузини тўхтатиш, Исроилнинг чиқиб кетишига эришиш, ўз кучлари билан бутун ерлари устидан давлат ҳокимиятини кенгайтириш, маҳбусларнинг қайтишини таъминлаш ва оилаларимизга ўз уйлари ва қишлоқларига хавфсиз, эркин ва қадрли ҳолда қайтиш имконини бериш", деган президент.
