Арманистонда салкам 10 тонна Nestle маҳсулоти қайтариб олинди
Компанияга кўра, бу эҳтиёт чораси сифатида амалга оширилган.
Арманистонда NAN бренди остидаги Ne болалар овқатининг 9,7 тоннаси хавфли деб топилиб, йўқ қилинди. Бу ҳақда республика Озиқ-овқат хавфсизлиги инспекциясига таяниб, “News” нашри хабар берди.
Nestle компаниясининг маълум қилишича, айни пайтда Арманистон Республикасида болалар аралашмаларининг айрим партияларини ихтиёрий равишда қайтариб олиш бўйича тадбирларни якунланган.
“Бу жараён компания томонидан эҳтиёт чораси сифатида амалга оширилган. Қайтариб олинган маҳсулотни йўқ қилиш — бу тегишли бозорларда регулятор билан ҳамкорликда амалга ошириладиган стандарт якуний жараёнлардан бири бўлиб, у ҳеч қандай қўшимча лаборатория таҳлиллари ўтказилиши билан боғлиқ эмас”, дейилади расмий хабарда.
Аввалроқ, 2026 йил январь ойида Ne Россияда болалар учун мўлжалланган айрим қуруқ сут ва даволовчи аралашмалар партиясини ихтиёрий равишда бозордан қайтариб олган эди. Бу қарор ташқи етказиб берувчидан келган хомашёда ҳам сереулид токсини бўлиши эҳтимоли билан изоҳланган.
Компания маълумотига кўра, мазкур компонент миқдори жуда кам бўлиб, хавф эҳтимолий характерга эга. Маҳсулотни қайтариб олиш эса глобал хавфларни камайтириш сиёсати доирасида амалга оширилган.
Шунингдек, “ҲиПП” болалар озуқасидан ҳам каламуш заҳари топилганди. Заҳар шикастланган қадоқлардан аниқлангани айтилган. Мазкур озуқани ишлаб чиқарувчиси бу ҳолат товламачилик эканини билдирган.
