Эрон АҚШ билан музокараларнинг иккинчи босқичида иштирок этади — Исломобод
Теҳрон Ҳормуз бўғозига қўйилган блокада бекор қилингач музокараларни бошлаши мумкин.
Ҳормуз бўғозидаги кескинликка қарамай, Эрон делегацияси Исломободда АҚШ билан музокараларнинг иккинчи босқичида қатнашади. Бу ҳақда Anadolu ахборот агентлиги Покистон расмийларига таяниб хабар бермоқда.
Покистон расмийларининг билдиришича, Эрон 21 апрель куни Покистон пойтахти Исломободда ўтказилиши режалаштирилган музокараларда иштирок этишни режалаштирмоқда.
Манбага кўра, Эрон делегацияси парламент спикери Mhammad Бағир Ғолибаф ҳамда ташқи ишлар вазири Аббос Ароқчи бошчилигида эртага Исломободга етиб келади.
АҚШ делегациясига эса мамлакат витсе-президенти Жей Ди Vance раҳбарлик қилиши кутилмоқда. Унинг таркибига АҚШ президенти Доналд Трампнинг куёви Жаред Кушнер ҳамда Трампнинг Яқин Шарқ бўйича махсус вакили Стив Уиткофф кириши мумкин.
Аввалроқ Покистон томони АҚШнинг “илғор музокара гуруҳи”ни олиб келган иккита самолёт Исломободга қўнганини маълум қилган эди. Вашингтон эса ҳозирча бу маълумотга изоҳ бермади.
Эрон президенти Масъуд Пезешкиён уруш ҳеч бир томон манфаатларига мос келмаслигини таъкидлади. У вазиятни юмшатиш учун “барча оқилона ва дипломатик воситалар”дан фойдаланишга чақирди.
Эрон ОАВларига кўра, Теҳрон делегацияси АҚШ ҳарбий-денгиз кучлари томонидан Ҳормуз бўғозига қўйилган блокада бекор қилинмагунча музокараларни бошламаслик ниятида.
