Трамп тадбиридаги отишмада гумондорнинг нишони “маъмурият амалдорлари” бўлган
Отишма оқибатида Махфий хизмат ходимларидан бири яраланган.
АҚШ президенти Дональд Трамп иштирок этган Вашингтондаги расмий тадбирда отишма содир этганликда гумон қилиниб қўлга олинган шахснинг асосий нишони маъмурият амалдорлари бўлгани айтди, деб хабар берди CBS News манбаларига таяниб.
Маълумотларга кўра, ҳибсга олинган Кул Ален тергов органларига Трамп маъмурияти вакилларига ҳужум уюштириш ниятида бўлганини билдирган. Шу билан бирга, унинг тўғридан-тўғри АҚШ президентини нишонга олгани тасдиқланмаган.
Дастлабки маълумотларга кўра, гумондор Калифорния штати Торонс шаҳрида туғилган. У олий таълим муассасасини тамомлаган ва кейинги йилларда таълим соҳасида фаолият юритган.
Полиция маълумотига кўра, у тадбирга таклиф этилган меҳмонлар орасида бўлган ҳамда илгари ҳуқуқни муҳофаза қилувчи органлар эътиборига тушмаган. Эркак тадбир ҳудудига тўппонча ва бир нечта пичоқ билан қуролланган ҳолда киргани аниқланган.
Отишма оқибатида АҚШ Махфий хизмати ходимларидан бири жароҳат олган. Гумондор воқеадан кейин қўлга олиниб, тиббий кўрик учун шифохонага юборилган.
Ҳуқуқ-тартибот идоралари ҳодисанинг аниқ мақсади ва эҳтимолий алоқадор шахсларни аниқлаш бўйича терговни давом эттирмоқда. Дастлабки тахминларга кўра, гумондор ёлғиз ҳаракат қилган.
