Трамп Тинчлик бўйича Нобел мукофотини олиши мумкин
Номзодлар орасида Трампдан ташқари яна 286 киши кўриб чиқилмоқда.
Нобел қўмитаси котиби 2026 йилда Нобел мукофотига Трамп номзоди ҳам борлигини маълум қилди. Номзодлар орасида Трампдан ташқари яна 286 киши кўриб чиқилмоқда.
Кристиан Берг Харпвикеннинг маълум қилишича, 2026- йилги номзодларнинг 208 нафари жисмоний шахслар, 79 таси эса ташкилотлардир. Унинг айтишича, рўйхатда Трамп номзоди бор лекин у ҳали тасдиқланмаган.
Камбоджа, Исроил ва Покистон раҳбарлари Тинчлик мукофотига Трамп номзодини кўрсатган.
Мукофотга Трампдан ташқари Россия мухолифати етакчиси Алексей Навалнийнинг беваси Юлия Навалная, Рим папаси Лео ва Суданнинг кўнгилли ёрдам гуруҳи бўлган "Фавқулодда вазиятларга жавоб бериш бўлимлари" каби номлар кўп тилга олинмоқда.
Шунингдек, Аляска сенатори Лиза Мурковски ва Дания парламентининг Гренландиядан сайланган аъзоси Аая Кемнитс ҳам номзодлар қаторида бўлиши мумкин. Норвегиялик қонун чиқарувчи Ларс Ҳалтбреккен уларнинг Арктика минтақасида тинчлик ва ишончни мустаҳкамлаш йўлидаги хизматларини эътироф этган.
Эронлик совриндорнинг саломатлигидан хавотир
Харпвикен қўмита 2023-йилги мукофот совриндори, эронлик ҳуқуқ ҳимоячиси Наргес Муҳаммадийнинг соғлиғидан қаттиқ хавотирда эканини билдирди. Қамоқхонада юрак хуружини бошдан кечирган фаолнинг аҳволи ёмонлашмоқда, унинг яқинлари ҳаёти хавф остида эканини айтишмоқда.
"Биз халқаро босим кўчаётганини кўрмоқдамиз. Эрон расмийлари бунга эътибор қаратади ва уни тегишли тиббий ёрдам олиши учун озод қилади, деб умид қиламиз", — деди Харпвикен.
Жорий йилги Нобел Тинчлик мукофоти совриндори 9 октябрь куни эълон қилинади, тақдирлаш маросими эса 10 декабрда бўлиб ўтади.
Эслатиб ўтамиз, 2025 йилги Тинчлик бўйича Нобел лауреати Мария Корина Machado ўз медалини Трампга Венесуэладаги сиёсий жараёнларга қўшган ҳиссаси учун рамзий совға сифатида топширганди.
