Тўқаев Москвадаги Ғалаба парадида қатнашади
Кремль Қозоғистон раҳбарининг ташрифини “дўстона қадам” сифатида баҳолади.
Қосим-Жомарт Тўқаев Иккинчи жаҳон урушидаги Ғалабанинг 81 йиллиги муносабати билан ўтказиладиган тадбирларда иштирок этиш учун Москва шаҳрига ташриф буюради.
Бу ҳақда Қозоғистон президенти матбуот котиби Ойбек Смадияров маълум қилди.
Маълум қилинишича, ташриф доирасида Владимир Путин билан алоҳида учрашув ўтказилиши режалаштирилган. Унда икки давлат раҳбари май ойи охирига мўлжалланган Россия президентининг Қозоғистонга ташрифи арафасида стратегик ҳамкорликнинг асосий йўналишларини муҳокама қилади.
Кремль Тўқаевнинг бўлажак ташрифига муносабат билдириб, уни “дўстона қадам” сифатида баҳолаган.
Эслатиб ўтамиз, аввалроқ Шавкат Мирзиёев ҳам амалий ташриф билан Москва шаҳрига жўнаб кетгани ва Ғалабанинг 81 йиллигига бағишланган тадбирларда иштирок этиши хабар қилинган эди.
