Россия ва Украина уч кунлик сулҳ тузди
Ушбу ташаббус АҚШ президенти Дональд Трамп томонидан илгари сурилган.
Россия 9–11 май кунлари Украина билан вақтинчалик сулҳ тузиш ҳамда шу даврда ҳарбий асирларни “мингга минг” форматида алмашиш ташаббусини қўллаб-қувватлашини маълум қилди.
Россия президенти ёрдамчиси Юрий Ушаков журналистларга берган баёнотида ушбу ташаббус АҚШ президенти Дональд Трамп томонидан илгари сурилганини ва Москва уни мақбул деб ҳисоблашини билдирган.
Унинг таъкидлашича, Россия президенти Владимир Путин топшириғига биноан вақтинчалик ўт очишни тўхтатиш ҳамда кенг кўламли маҳбуслар алмашинувини амалга ошириш бўйича розилик тасдиқланган.
Маълум қилинишича, уч кунлик сулҳ давомида Россия ва Украина ўртасида “мингга минг” тамойили асосида ҳарбий асирлар алмашинуви ташкил этилиши режалаштирилмоқда.
