Эпштейннинг акаси “ўз жонига қасд хати”ни қалбаки деб атади
Марк Эпштейн судда тақдим этилган ёзувга эътироз билдирди.
Жинсий эксплуатация ва вояга етмаганлар билан боғлиқ жиноятлар бўйича айбловлар билан қамоқда вафот этган америкалик молиячи Жеффри Эпштейннинг акаси Марк Эпштейн суд жараёнида эълон қилинган ўз жонига қасд ёзуви ҳақиқийлигига шубҳа билдирган. Бу ҳақда Independent газетаси маълум қилди.
Унинг таъкидлашича, агар Жеффри Эпштейн ўз жонига қасд қилиш ниятида бўлганида, у умумий мазмундаги хайрлашув баёноти эмас, балки аниқ шахсга қаратилган хат қолдирган бўларди. Шу сабабли Марк Эпштейн мазкур ҳужжатни қалбакилаштирилган бўлиши мумкин, деб ҳисобламоқда.
Маълумотларга кўра, хат 2019 йил июль ойида собиқ Эпштейннинг собиқ камерадоши томонидан топилган бўлиб, Эпштейн айнан шу вақтда камерасида ҳушсиз ҳолатда аниқланган. Орадан бир ой ўтиб у қамоқхонада вафот этган ва унинг ўлими расман ўз жонига қасд қилиш сифатида қайд этилган.
Марк Эпштейн шунингдек, воқеа билан боғлиқ айрим ҳолатлар, жумладан, камерада содир бўлган вазиятлар юзасидан ҳам саволларни илгари сурган.
Эпштейн иши АҚШ ва халқаро миқёсда кенг муҳокама қилинган энг шов-шувли жиноий ишларидан бири бўлиб қолмоқда. Сўнгги йилларда ишга оид миллионлаб саҳифа ҳужжатлар ошкор этилган бўлса-да, улар тўлиқлиги ва таҳрирланганлиги юзасидан танқидлар билдирилган.
