Жаҳон

Таиланд сайёҳларга визасиз бўлиш муддатини 30 кунгача қисқартирмоқчи

Ҳукумат ташаббуси мигрантлар билан боғлиқ шикоятлар фонида илгари сурилаётгани айтилмоқда. Таиланд ўзбекистонликлар энг кўп саёҳат қиладиган 10 та давлатдан биридир.

Таиланд сайёҳларга визасиз бўлиш муддатини 30 кунгача қисқартирмоқчи

Таиланд Ташқи ишлар вазирлиги хорижлик сайёҳлар учун визасиз қолиш муддатини 60 кундан 30 кунгача қисқартириш бўйича таклифни Вазирлар Маҳкамасига тасдиқлаш учун киритади. Бу ҳақда Reuters хабар бермоқда.

 

Агентлик ёзишича, ташқи ишлар вазири Сиҳасак Пуангкеткео ушбу ўзгариш қачондан кучга кириши аниқ белгиланмаганини маълум қилган.

 

“Бизнингча, 60 кун — эҳтимол жуда узоқ муддат бўлиб, айрим шахслар визасиз режимдан ноқонуний мақсадларда фойдаланмоқда. Биз назоратни кучайтиришни хоҳлаймиз”, — деди вазир (Тhai PBS иқтибосига кўра).

 

Унинг сўзларига кўра, визасиз қолиш муддатини қисқартириш бўйича таклиф аввалги маъмурият давридаёқ ишлаб чиқилган, бироқ сайловлар сабабли уни кўриб чиқиш кечиктирилган.Ҳозирда мазкур ташаббус юзасидан тегишли идоралар билан маслаҳатлашувлар ўтказилиши режалаштирилган. 

 

Ташқи ишлар вазирлиги раҳбари эса ушбу таклифнинг қабул қилинишида жиддий тўсиқлар бўлишини кутмаётганини таъкидлаган.

 

Бундан ташқари, бир қатор виза тоифаларини қайта кўриб чиқиш зарурати ҳам қайд этилмоқда, чунки амалдаги тизимда виза турлари жуда кўп бўлиб, уларнинг айримларини бирлаштириш имконияти мавжуд. Мамлакат бош вазири Анутин Чарнвиракул ушбу қоидаларни қайта кўриб чиқиш учун махсус ишчи гуруҳ тузиш бўйича кўрсатма берган. 

 

Bloomberg хабарига кўра, ҳукуматнинг бу ташаббуси айрим маҳаллий бизнес вакилларининг мигрантлар томонидан ноқонуний фаолиятлар ортиб бораётгани ва бу ҳолат уларнинг даромадларига салбий таъсир кўрсатаётгани ҳақидаги шикоятларига жавобан амалга оширилмоқда.

 

Таиланд 2024 йил июль ойидан бошлаб 93 та давлат фуқаролари учун визасиз режимни жорий этган эди.2026 йил 1 январдан 10 майгача бўлган даврда Таиланд 12,4 миллион хорижий сайёҳни қабул қилган бўлиб, бу ўтган йилнинг шу даврига нисбатан 3,43 фоизга камдир. 

 

Туризм мамлакат иқтисодиётининг муҳим тармоғи ҳисобланади ва 2019 йилда хорижий сайёҳлар оқими қарийб 40 миллионга етган.

 

Маълумот учун, Таиланд ҳукумати Ўзбекистон фуқаролари учун 2024 йил ёзида 60 кунгача визасиз кириш режимини расмий равишда жорий этган. Кутилаётган ўзгаришнинг Ўзбекистонга таъсири бўйича ҳозирча расмий маълумотлар мавжуд эмас. 2026 йилнинг дастлабки 3 ойида 13 839 нафар ўзбекистонлик Таиландга борган.

 

Абдуллаева Шахризода

Иорданияда черковга қилинган ҳужум: уч нафар эркак ўлим жазосига ҳукм қилинди

Иорданияда черковга қилинган ҳужум: уч нафар эркак ўлим жазосига ҳукм қилинди

Ҳужум 23 октябрь куни юнон православ черковида дафн маросими вақтида содир бўлганди.

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Тибет чегара полицияси таркибидаги махсус бўлинмалар яқин масофадаги жанглар, тоғли ҳудудларда ҳаракатланиш ва дронлардан фойдаланиш бўйича тайёргарликдан ўтказилмоқда.

Meta қарийб 900 млн доллар жаримага тортилди: компания фойдаланувчиларнинг шахсий фото ва видеоларига розиликсиз кирган

Meta қарийб 900 млн доллар жаримага тортилди: компания фойдаланувчиларнинг шахсий фото ва видеоларига розиликсиз кирган

Meta қарор устидан шикоят қилишини билдирди.

Жанубий Кореяда ўзбекистонлик талаба қамалди: у террорчилик гуруҳини молиялаштиришда айбланди

Жанубий Кореяда ўзбекистонлик талаба қамалди: у террорчилик гуруҳини молиялаштиришда айбланди

У Суриядаги террорчилик ташкилоти аъзосига олти марта пул ўтказган.

Руандада депортация маркази: Германия ва яна тўрт давлат келишувга тайёрланмоқда

Руандада депортация маркази: Германия ва яна тўрт давлат келишувга тайёрланмоқда

Ташаббус инсон ҳуқуқлари ташкилотларининг танқидига сабаб бўлмоқда.

Россия нефть экспортига зарба: Украина Самара вилоятидаги станцияни нишонга олди

Россия нефть экспортига зарба: Украина Самара вилоятидаги станцияни нишонга олди

Украина ҳарбийлари ушбу объектни Россиянинг урушни молиялаштираётган нефть саноати учун муҳим инфратузилма деб атаган.

Украина жанг майдонида роботлардан фойдаланмоқда: улар ҳужум ва эвакуацияга жалб этилмоқда

Украина жанг майдонида роботлардан фойдаланмоқда: улар ҳужум ва эвакуацияга жалб этилмоқда

Бундай қурилмалар нафақат ҳарбий юкларни ташиш ва эвакуация, балки гранатомёт ҳамда танкка қарши қуроллар ёрдамида ҳужум операцияларига ҳам жалб этилмоқда.

Теlegram'даги заифликлар бўйича баҳс: Дуров хакерларни ўз аккаунтини бузишга чақирди

Теlegram'даги заифликлар бўйича баҳс: Дуров хакерларни ўз аккаунтини бузишга чақирди

У шунчаки хабар олиш орқали профилни эгаллаб олиш мумкинлиги ҳақидаги даъволарни рад этди.