Тошкент вилоятида 5 кггдан ортиқ гиёҳванд модда айланмаси тўхтатилди
Гиёҳванд моддалар қўшни давлатдан олиб кирилган.
Тошкент вилоятида катта миқдордаги гиёҳвандлик воситасининг ноқонуний айланмасига чек қўйилди. Бу ҳақда ДХХ хабар берди.
Маълум қилинишича, Давлат хавфсизлик хизмати ҳамда Божхона идоралари ходимлари томонидан ўтказилган тезкор тадбир давомида Самарқанд шаҳрида яшовчи, 2001 ва 2002 йилларда туғилган икки нафар шахс гиёҳванд модда билан қўлга олинган.
Улар аввал қўшни республикадан контрабанда йўли билан олиб кирилган 5 килограмм 160 грамм “опий” гиёҳвандлик моддасини Тошкент вилоятининг Бўка туманидан олиб кетаётган бўлган.
Ҳозирда мазкур шахсларга нисбатан жиноят иши қўзғатилиб, “қамоқ” эҳтиёт чораси қўлланилган. Тергов ҳаракатлари давом этмоқда.
