Тошкентда 19 ёшли “Tracker” ҳайдовчиси пиёдани уриб юборди
Пиёда йўлнинг белгиланмаган қисмидан ўтаётган вақтда ҳодиса содир бўлган.
Тошкент шаҳрининг Чилонзор туманида пиёда иштирокида йўл-транспорт ҳодисаси содир бўлди.
Тошкент шаҳар ИИББ ЙҲХБ маълум қилишича, жорий йилнинг 16 май куни соат 01:00 атрофида Чилонзор тумани Бунёдкор шоҳ кўчасида, Олий Мажлис биноси қаршисида 2007 йили туғилган ҳайдовчи бошқарувидаги “Tracker” русумли автомобиль пиёдани уриб юборган.
Дастлабки маълумотларга кўра, 2007 йили туғилган фуқаро йўлнинг белгиланмаган қисмидан ҳаракатланиб ўтаётган вақтида ҳодиса юз берган.
Йўл-транспорт ҳодисаси оқибатида пиёдага шифокорлар томонидан биринчи тез тиббий ёрдам кўрсатилган.
Ҳозирда мазкур ҳолат юзасидан Тошкент шаҳар ИИББ ЙҲХБ томонидан суриштирув ишлари олиб борилмоқда.
