Тошкентда ўқитувчи 9-синф ўқувчисини калтаклади
Мазкур ҳолатга алоқадор бўлган барча шахсларга нисбатан қонун доирасида тегишли чоралар кўрилиши билдирилди.
Ижтимоий тармоқларда ўқитувчи ва 9-синф ўқувчилари ўртасида ўртасида юзага келган низо акс этган видео тарқалди. Мазкур воқеа бўйича Тошкент шаҳар мактабгача ва мактаб таълими бошқармаси расмий изоҳ берди.
Маълум қилинишича, ҳодиса Тошкент шаҳрининг Мирзо Улуғбек туманидаги 275-сонли умумтаълим мактабида содир бўлган.
Ҳолат юзасидан Тошкент шаҳар мактабгача ва мактаб таълими бошқармаси ҳамда ҳуқуқ-тартибот органлари вакилларидан иборат ишчи гуруҳ томонидан ўрганиш ишлари олиб борилмоқда.
Масъуллар ҳолат бўйича қўшимча ахборот кейинроқ тақдим этилишини қайд этди.
Шунингдек, мактаб ички қоидаларига риоя этмаган ва мазкур ҳолатга алоқадор бўлган барча шахсларга нисбатан қонун доирасида тегишли чоралар кўрилиши билдирилди.
