Фарғонада вояга етмаган ҳайдовчи иштирокидаги ЙТҲда 10 ёшли қиз вафот этди
“Маlibu“ бошқарган вояга етмаган шахс пиёдалар йўлагида уч нафар қизни уриб юборган.
Фарғона вилоятининг Қўқон шаҳрида ўлим билан боғлиқ йўл-транспорт ҳодисаси юз берди.
Вилоят ИИБ матбуот хизматининг маълум қилишича, жорий йилнинг 20 май куни соат 16:00 ларда вояга етмаган З.А. ўз бошқарувидаги “Маlibu 2“ русумли автомашинасини Қўқон шаҳри Амир Темур кўчасида ҳайдаб кетаётиб, пиёдалар ўтиш жойидан ўтаётган 2016 йилда туғилган уч нафар вояга етмаган қизни уриб юборган.
Ҳодиса оқибатида вояга етмаган М.К. олган тан жароҳатлари сабаб шифохонада вафот этган.
Мазкур ҳолат юзасидан вояга етмаган З.A.ga нисбатан Жиноят кодексининг 266-моддаси 2-қисми билан жиноят иши қўзғатилиб, Жиноят-процессуал кодексининг 221-моддаси тартибида ушланган.
Ҳозирда ҳолат юзасидан дастлабки тергов ҳаракатлари олиб борилмоқда.
