Тошкентда миллий терма жамоа ЖЧга кузатилиши сабаб айрим кўчалар вақтинча ёпилади
Чекловлар тадбир хавфсизлиги ва уни юқори савияда ташкил этиш мақсадида жорий этилмоқда.
Ўзбекистон миллий терма жамоасини жаҳон чемпионатига кузатиш тадбири муносабати билан Тошкент шаҳрининг айрим кўчаларида транспорт воситалари ҳаракати вақтинча чекланиши мумкин. Бу ҳақда Тошкент шаҳрида Йўл ҳаракатини ташкил этиш маркази матбуот хизмати хабар берди.
Маълум қилинишича, тадбирни хавфсиз ва юқори савияда ташкил этиш мақсадида 22 май куни соат 16:00 дан 21:00 гача пойтахтнинг айрим йўналишларида транспорт ҳаракати вақти-вақти билан чекланади.
Чекловлар қуйидаги йўналишларда амал қилиши мумкин:
- Чилонзор–Чўпонота кўчалари чорраҳасидан Чўпонота кўчаси бўйлаб Қатортол–Чўпонота кўчалари чорраҳасигача;
- КХАЙ–Чилонзор кўчалари чорраҳасидан Чилонзор кўчаси бўйлаб Чилонзор–Чўпонота кўчалари чорраҳасигача;
- КХАЙ–Бунёдкор кўчалари чорраҳасидан Бунёдкор иккинчи даражали йўли бўйлаб Бунёдкор–Чўпонота кўчалари чорраҳасигача;
- Нурафшон–Себзор кўчалари чорраҳасидан Себзор кўчаси бўйлаб Ислом Каримов–Бунёдкор кўчалари чорраҳасигача;
- Ислом Каримов–Бунёдкор кўчалари чорраҳасидан Бунёдкор кўчаси бўйлаб Бунёдкор–Иккинчи Қатортол кўчалари чорраҳасигача.
Ҳайдовчилардан олдиндан муқобил йўналишларни режалаштириш сўралди.
