Тошкентдан Дубайга олиб кетилаётган қарийб 2 кг олтин тўхтатиб қолинди
Олтин қуймалар йўловчининг чамадони ички қисмларига яширилгани аниқланган.
Тошкент халқаро аэропортида йирик миқдордаги олтин қимматбаҳо металларни ноқонуний тарзда мамлакатдан олиб чиқиш ҳолати фош этилди. Бу ҳақда ДХХ Zamon.uz' га хабар берди.
Давлат хавфсизлик хизмати ва «Тошкент-Аэро» ихтисослаштирилган божхона комплекси ходимлари ҳамкорлигида ўтказилган тезкор тадбирда «Тошкент–Дубай» йўналиши бўйича парвоз қилишни режалаштирган фуқаро юклари текширувдан ўтказилган.
Маълум бўлишича, 1980 йилда Андижон вилоятида туғилган, ҳозирда Тошкент шаҳрида яшовчи шахсга тегишли чамадоннинг ички таянч қисмларига жами 1 кг 923 грамм олтин қуймалари яширилган ҳолатда аниқланган ва ашёвий далил сифатида расмийлаштириб олинган.
Шунингдек, мазкур ноқонуний ҳолатга 1992 йилда туғилган, аввал судланган фуқаронинг алоқадорлиги аниқланган. Ҳозирда ҳолат юзасидан терговга қадар текширув ишлари олиб борилмоқда.
