Эрон президенти интернет чекловларини бекор қилишни буюрди
Мамлакатда интернет 87 кундан бери узилиб қолган.
Таsnim ахборот агентлиги хабарига кўра, президент томонидан Алоқа вазирлигига интернет тармоқларини қайта тиклаш юзасидан буйруқ юборилган. Эрон ҳукумати вакиллари ҳам ушбу қарорни тасдиқлаган.
Маълумотларга кўра, мамлакатдаги интернет чекловларини бекор қилиш масаласи ҳукумат даражасида муҳокама қилинган йиғилишда барча тегишли идоралар интернетга киришни тиклаш бўйича қарорни қўллаб-қувватлаган.
Эрон Ахборот бошқармаси раҳбари Али Аҳмадния ижтимоий тармоқларда интернетга уланишни тиклаш жараёни тасдиқланганини маълум қилган. Унинг таъкидлашича, қарор ижроси босқичма-босқич амалга оширилади.
ISNA агентлиги хабарига кўра, мазкур қарорнинг амалий ижроси яқин вақт ичида бошланиши кутилмоқда.
НетБлоскс мониторинг ташкилоти маълумотларига кўра, Эронда интернет чекловлари 80 кундан ортиқ давом этиб, бу глобал миқёсда энг узоқ давом этган узилишлардан бири сифатида қайд этилган.
