Исроил ва Ливан сулҳни амалга оширишга келишди — минтақавий кескинлик юмшаши мумкин
Мазкур сулҳ ортидан Эрон билан боғлиқ музокараларда ҳам силжиш бўлиши кутилмоқда.
Исроил ва Ливан ўт очишни тўхтатиш бўйича келишувни амалга оширишга рози бўлди. Бу ҳақда Reuters хабар берди.
АҚШ маъмурияти бу қадамни Эрон билан боғлиқ кенгроқ тинчлик битими сари муҳим силжиш сифатида баҳоламоқда.
АҚШ Давлат департаменти баёнотига кўра, сулҳнинг кучга кириши “Ҳизбуллоҳ”нинг жанговар ҳаракатларни тўхтатиши ва Жанубий Литани ҳудудидан чиқиши билан боғлиқ.
Шу билан бирга, минтақада кескинлик сақланиб қолмоқда. Эроннинг Қувайтга уюштирган ҳужуми аэропорт фаолиятига зарар етказиб, бир киши ўлимига ва ўнлаб инсонларнинг жароҳатланишига сабаб бўлди. Эрон эса айбловларни рад этмоқда, АҚШ эса ҳужумни тасдиқламоқда.
CENTCOM жанубий Эронда ракета учириш майдонлари ва Қешм оролида “мудофаа зарбалари” амалга оширилганини билдирди.
Можаро давомида нефть нархлари ошиб, Ҳормуз бўғози орқали ташувлар ҳануз тўлиқ тикланмаган. Эрон ва АҚШ музокараларни давом эттирмоқда, бироқ якуний келишувга эришилмаган. АҚШ президенти Доналд Трамп Эрон ядро қуролига эга бўлмаслиги асосий шарт эканини таъкидлади.
Шу билан бирга, Исроил Ливанда зарбаларни давом эттирмоқда, томонлар ўртасида вақти-вақти билан тўқнашувлар кузатилмоқда.
