Роналдунинг трансфер қиймати кескин пасайиб кетди
“Ал-Наср”даги муваффақиятли мавсумга қарамай, футболчининг бозор қиймати пасайди.
Саудия Арабистонининг “Ал-Наср” клуби ва Португалия терма жамоаси сардори Криштиану Роналдунинг трансфер қиймати Transfermarkt порталидаги сўнгги янгиланишга кўра пасайтирилди.
Маълумотларга кўра, 41 ёшли футболчининг бозор қиймати 12 миллион евродан 10 миллион еврогача камайган. Бу кўрсаткич унинг профессионал фаолиятидаги энг паст даражалардан бири сифатида қайд этилмоқда.
Роналду 2025/26 йилги мавсумда “Ал-Наср” сафида Саудия Арабистони чемпионлигини қўлга киритган. Мавсум давомида у 28 та гол уриб, жамоасининг энг яхши тўпурари бўлган. Умуман олганда, у ўтган мавсумда 37 ўйинда майдонга тушиб, 30 та гол ва 5 та голли узатма муаллифи бўлган.
Футболчи “Ал-Наср”га 2023 йил январ ойида қўшилган бўлиб, бу унинг фаолиятидаги илк Саудия Арабистони чемпионлиги ҳисобланади.
