Тошкентдаги автобусда уятcиз ҳаракатлар қилган эркак 15 суткага қамалди
У жамоат жойида бўла туриб, жамиятда юриш-туриш қоидаларини қасддан менсимасдан, ахлоқ ва одоб меъёрларига зид ҳаракатларни содир этган.
Ижтимоий тармоқларда автобус салонида номаълум эркак кишининг жамиятда юриш-туриш қоидаларини бузганлигини акс этган видео тарқалиб, турли муҳокамаларга сабаб бўлди. Ушбу ҳолат юзасидан ҳуқуқни муҳофаза қилувчи органлар томонидан тегишли чоралар кўрилган. Бу ҳақда Тошкент шаҳар ИИББ матбуот хизмати хабар берди.
Маълум қилинишича, жорий йилнинг 3 июн куни соат 09:45 атрофида 42-йўналишда ҳаракатланаётган автобус салонида 1978йилда туғилган T.C. жамоат жойида бўла туриб, жамиятда юриш-туриш қоидаларини қасддан менсимасдан, ахлоқ ва одоб меъёрларига зид ҳаракатларни содир этган.
Ҳолат юзасидан кўрилган тезкор чоралар натижасида мазкур фуқаро ички ишлар органлари ходимлари томонидан аниқланиб, ушланган.
Олмазор тумани Ички ишлар органлари фаолиятини мувофиқлаштириш бошқармаси томонидан фуқаро T.S.ga нисбатан Маъмурий жавобгарлик тўғрисидаги кодекснинг 183-моддаси (майда безорилик) ҳамда 194-моддаси (ички ишлар органлари ходимининг қонуний талабларини бажармаслик) аломатлари билан маъмурий баённома расмийлаштирилган.
Тўпланган ҳужжатлар Жиноят ишлари бўйича Олмазор туман судига юборилган. Суд қарорига кўра, ушбу шахсга нисбатан 15 сутка маъмурий қамоқ жазоси тайинланган.
