9–12 июн кунлари Ўзбекистонда сел хавфи эълон қилинди

 

“Ўзгидромет” маълумотига кўра, 9–12 июн кунлари республика бўйича кутилаётган ёғингарчиликлар сабабли тоғолди ва тоғли ҳудудларда сел-сув тошқини хавфи юзага келиши мумкин.

 

Қайд этилишича, ёмғирлар натижасида айрим ҳудудларда сел келиши ва сув тошқинлари кузатилиши эҳтимоли бор.

 

Сел хавфи қайд этилиши мумкин бўлган ҳудудлар:

• Қашқадарё вилояти — Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманлари;
• Сурхондарё вилояти — Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музработ туманлари;
• Самарқанд вилояти — Ургут, Самарқанд, Булунғур, Нуробод, Қўшработ, Каттақўрғон, Паяриқ, Жомбой, Иштихон туманлари;
• Навоий вилояти — Хатирчи, Навбаҳор, Нурота, Конимех, Кармана туманлари;
• Жиззах вилояти — Зомин, Бахмал, Ғаллаорол, Шароф Рашидов, Фориш, Янгиобод туманлари;
• Тошкент вилояти — Оҳангарон, Бўстонлиқ, Паркент, Пискент, Ўрта Чирчиқ, Юқори Чирчиқ туманлари ҳамда Ангрен ва Олмалиқ шаҳарлари;
• Наманган вилояти — Поп, Косонсой, Чортоқ, Чуст, Наманган, Янгиқўрғон туманлари;
• Фарғона вилояти — Сўх, Шоҳимардон, Фарғона, Бешариқ туманлари;
• Андижон вилояти — Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманлари ҳамда Хонабод шаҳри.

 

Мутахассислар тоғли ҳудудларда яшовчи аҳоли, дам олувчилар ҳамда ҳайдовчилардан эҳтиёткорлик чораларини кўришни сўрамоқда.

 

Шунингдек, ёғингарчилик оқибатида айрим ҳудудларда сув тўпланиши ва маҳаллий сув тошқинлари юзага келиши мумкинлиги қайд этилган.

Аввалроқ, 6-8 июн кунлари кучли ёмғир ёғиши кутилаётгани сабабли тоғолди ва тоғли ҳудудларда сел-сув тошқини хавфи эълон қилингани хабар қилинган эди.