Фабио Каннаваро ЖЧ2026'да энг юқори маош олувчи мураббийлар бешлигига кирди
Жаҳон чемпионатида энг кўп маош олувчи мураббийлар рўйхатини эълон қилинди.
Ўзбекистон миллий терма жамоаси бош мураббийи Фабио Каннаваро 2026 йилда АҚШ, Канада ва Мексикада бўлиб ўтадиган FIFA Жаҳон чемпионатида энг кўп маош олувчи мураббийлар қаторидан жой олди.
Finance Football нашри томонидан эълон қилинган рейтингга кўра, италиялик мутахассис йилига тахминан 4 миллион евро маош олади ва Португалия терма жамоаси бош мураббийи Роберто Мартинес билан бешинчи ўринда турибди.
Рейтингнинг биринчи ўрнини Бразилия терма жамоаси бош мураббийи Карло Анчелотти эгаллаган бўлиб, унинг йиллик маоши 10 миллион еврони ташкил этади. Иккинчи ўринда Германия терма жамоаси бош мураббийи Юлиан Нагелсманн (7 миллион евро), учинчи ўринда эса АҚШ терма жамоаси мураббийи Маурисио Почеттино (6 миллион евро) қайд этилган.
Тўртинчи ўринни Англия терма жамоаси бош мураббийи Томас Тухел эгаллаган бўлиб, унинг маоши 5,8 миллион еврони ташкил қилади.
Шунингдек, кучли ўнталикка Франсия (Диде Дешам), Нидерландия (Роналд Куман), Уругвай (Марсело Белса), Канада (Жесси Марч), Мексика (Хавер Агирре) ва Парагвай (Густаво Алфаро) терма жамоалари мураббийлари ҳам киритилган.
Маълумот учун, 2026 йилги FIFA Жаҳон чемпионати 11 июн – 19 июл кунлари АҚШ, Канада ва Мексикада ўтказилади ва тарихда илк бор 48 та терма жамоа иштирок этади.
