Швеция Жаҳон чемпионатини йирик ғалаба билан бошлади
Швеция гуруҳ босқичидаги илк учрашувда Тунисни 5:1 ҳисобида мағлуб этди.
2026 йилги футбол бўйича Жаҳон чемпионатининг F гуруҳи илк турида Швеция терма жамоаси Тунис устидан йирик 5:1 ҳисобида ғалаба қозонди.
Мексиканинг Гвадалупе шаҳридаги BBVА стадионида бўлиб ўтган учрашувда шведлар ўйин давомида устунликни қўлдан бой бермади. Жамоа ярим ҳимоячиси Ясин Аяри дубл муаллифига айланган. Шунингдек, Алехандер Исак, Виктор Гйöкерес ва Маттиас Сванберг ҳам рақиб дарвозасини ишғол қилган.
Туниснинг ягона голига эса Омар Рекик муаллифлик қилган.
Мазкур натижадан сўнг Швеция 3 очко билан F гуруҳи пешқадамига айланган. Гуруҳнинг яна бир учрашувида Нидерландия ва Япония 2:2 ҳисобида дуранг ўйнаганди. Тунис эса дастлабки турдан кейин очкосиз қолмоқда.
Иккинчи турда Швеция Нидерландияга қарши майдонга тушади, Тунис эса Кюрасао билан куч синашади.
