Трамп Оқ уй майдонида илк бор UFC турнирини ўтказди
Тадбир Трампнинг 80 йиллик юбилейи ва АҚШнинг 250 йиллиги муносабати билан ташкил этилган.
Оқ уй ёнига қурилган махсус аренага 4 мингдан ортиқ меҳмон таклиф қилинган. Турнирни ташкил этиш учун UFC қарийб 60 миллион доллар сарфлаган.
Асосий жангда америкалик Жастин Гетжи Илия Топурияни мағлуб этиб, енгил вазн чемпионига айланган.
Тадбирда UFC президенти Дана Уайт, Трампнинг оила аъзолари, FBI директори Каш Пател ҳамда британиялик боксчи Тайсон Фюри ҳам қатнашган.
Америкаликларнинг 46 фоизи UFC жангларининг Оқ уйда ўтказилишига қарши чиққан. Бироқ Трамп ушбу кечани “Ер юзидаги энг зўр шоу” деб атаган.
Жангдан бир неча кун олдин, Виржиния штати фуқаролари тадбирни тўхтатиш учун судга мурожаат қилган. Аммо суд бу даъвони “беъмани” деб таърифлаб, бекор қилган.
