“Ўзбекистон хорижий инвесторлар учун ишончли шерик сифатидаги мавқейини мустаҳкамлаб келмоқда” — Саида Мирзиёева
Бешинчи Тошкент инвестиция форуми арафасида Ўзбекистон–АҚШ молиявий ҳамкорлиги муҳокама қилинди.
Бешинчи Тошкент халқаро инвестиция форуми арафасида Ўзбекистон Президенти Шавкат Мирзиёев ҳамда АҚШнинг етакчи молиявий институтлари ва бизнес вакиллари иштирокида давра суҳбати ташкил этилди.
Тадбирда Президент администрацияси раҳбари Саида Мирзиёева ҳам қатнашди. Шунингдек, АҚШ Халқаро молиявий тараққиёт корпорацияси ҳамда АҚШ Экспорт-импорт банки раҳбарияти ва Америка бизнес доиралари вакиллари иштирок этди.
Мулоқот давомида АҚШ молиявий институтлари ва компанияларининг Ўзбекистонга қизиқиши ортиб бораётгани таъкидланди.
“Ўз навбатида, Ўзбекистон ҳам хорижий инвесторлар учун ҳамкорликнинг мутлақо янги ва истиқболли йўналишларини таклиф этиб, ишончли шерик сифатидаги мавқейини қатъий мустаҳкамлаб келмоқда”, дея ёзди Саида Мирзиёева.
