“Ўзбекгидроэнерго” АЖ V Тошкент халқаро инвестиция форумида йирик халқаро ҳамкорлик келишувларига эришди

В Тошкент халқаро инвестиция форуми доирасида “Ўзбекгидроэнерго” АЖ томонидан АҚШнинг “77 Construction USA Corp.”, Хитойнинг “China Huaneng Group”, Ҳиндистоннинг “Аdani Group”, Япониянинг “MUFG Bank”, Германиянинг “AKA Bank”, Хорватиянинг “Коncar” ва “IN Foro Viridi”, Жаҳон банки гуруҳи ҳамда Афғонистон Ташқи савдо вазирлиги вакиллари билан қатор муҳим икки томонлама учрашувлар ўтказилди.

 

 

Форум давомида гидроэнергетика соҳасида йирик инвестиция лойиҳаларини амалга ошириш, давлат-хусусий шериклик (ДХШ) механизмларини кенгайтириш, халқаро молиялаштиришни жалб этиш ҳамда илғор технологияларни жорий этиш масалаларига алоҳида эътибор қаратилди.

 

 

Учрашувлар натижасида:

 

— “77 Construction USA Corp.” билан EPC+F ва ДХШ форматларида ҳамкорликни кўриб чиқиш, Пском ГЕС лойиҳасида иштирок этиш бўйича келишувларга эришилди;

 

— Жаҳон банки гуруҳи билан Хожикент GАES лойиҳаси, MIGA кафолатлари ва грант дастурлари бўйича ҳамкорлик кенгайтирилди;

 

— “China Huaneng Group” билан ДХШ тамойили асосида йирик истиқболли инвестиция лойиҳаларни амалга ошириш бўйича меморандум имзоланди;

 

— “Аdani Group” билан қўшма ишчи гуруҳ ташкил этиш ва инвестиция лойиҳаларини биргаликда ишлаб чиқиш бўйича келишувга эришилди;

 

— MUFG Bank ва AKA Bank билан йирик лойиҳаларни узоқ муддатли молиялаштириш механизмлари муҳокама қилинди;

 

— “Коncar” ва “In Foro Viridi” билан кичик ва ўрта ГЕС лойиҳаларида ҳамкорлик йўлга қўйилди;

 

— Афғонистон томони билан гидроэнергетика ускуналарини етказиб бериш ва лойиҳалаш бўйича ҳамкорлик йўналишлари келишиб олинди.

 

 

Мазкур форум “Ўзбекгидроэнерго” АЖ учун халқаро ҳамкорлик географиясини сезиларли даражада кенгайтириб, йирик инвестиция лойиҳаларини амалга ошириш бўйича аниқ амалий натижаларни таъминлади.