Ўзбекистон – Португалия учрашувини марокашлик ҳакамлар бошқаради
Баҳснинг тўртинчи ва бешинчи расмий ҳакамлари сифатида ЖАР вакиллари фаолият олиб боради.
АҚШ, Канада ва Мексикада бўлиб ўтаётган Жаҳон чемпионатининг “К” гуруҳи 2-туридан ўрин олган Португалия ва Ўзбекистон миллий терма жамоалари ўртасидаги баҳсни бошқарадиган расмийлар таркиби маълум қилинди.
Учрашувни FIFA рефереси, марокашлик Жалал Жаед бошқариб боради. Унга қанотларда ҳамюртлари Закария Бринси ва Мустафо Акаркад ёрдам беради. Баҳснинг тўртинчи ва бешинчи расмий ҳакамлари сифатида Жанубий Африка Республикаси вакиллари Абонгайл Том ҳамда Захеле Сивела фаолият олиб боради.
Эслатиб ўтамиз, Ўзбекистон ва Португалия ўртасидаги учрашув 23 июнь куни Тошкент вақти билан соат 22:00 да старт олади.
