Швейцарияда Эрон ва АҚШ ўртасидаги музокаралар бошланмоқда
Учрашув Ливандаги ҳарбий ҳаракатлар ва Ҳормуз бўғози атрофидаги кескин вазият фонида ўтказилади.
Швейцариянинг Бургеншток курортида Эрон ва АҚШ делегациялари ўртасида музокаралар ўтказилиши режалаштирилган. Томонлар вакиллари учрашув ўтказиладиган ҳудудга етиб келган. Бу ҳақда Bild хабар берди.
Маълум қилинишича, АҚШ делегацияси таркибидан витсе-президент Жей Ди Венс, махсус вакил Стив Уиткофф ҳамда АҚШ президенти Доналд Трампнинг куёви Жаред Кушнер ўрин олган.
Эрон томонига эса парламент спикери Муҳаммад Бағир Ғолибоф ва ташқи ишлар вазири Аббос Ароқчи бошчилик қилмоқда.
Музокаралар Ливандаги ҳарбий ҳаракатлар давом этаётган ҳамда Ҳормуз бўғози атрофидаги вазият кескинлашган бир пайтда ўтказилмоқда. Аввалроқ Эрон Исроилнинг Ливанга уюштирган зарбаларини сабаб қилиб, Ҳормуз бўғозини яна ёпаётганини маълум қилган эди.
АҚШ ҳарбийлари эса бу даъволарни рад этиб, бўғоз орқали кемалар ҳаракати узлуксиз давом этаётганини билдирган.
Уларнинг маълумотига кўра, ҳудуд орқали 55 та кема ўтган бўлиб, улар орасида қарийб 17 миллион баррель нефть ташиган кемалар ҳам бор.
Аввалроқ Жей Ди Венс музокаралар доирасида Швейсарияда бир неча кун қолишни режалаштираётганини маълум қилган эди.
Швейсарияда Эрон ва АҚШ вакиллари ўртасидаги музокаралар бошланмоқда. Учрашув Ливандаги ҳарбий ҳаракатлар ва Ҳормуз бўғози атрофидаги кескин вазият фонида ўтказилади.
Аввалроқ 19 июнга режалаштирилган музокаралар бекор қилинган эди.
