АҚШ ва Эрон музокараларини кузатиш учун махсус қўмита тузилади
Делегациялар раҳбарлари унга мунтазам равишда ҳисобот беришлари режалаштирилган.
Швейцариянинг Бюргенсток шаҳрида ўтказилган АҚШ ва Эрон ўртасидаги тўрт томонлама маслаҳатлашувлар якунига кўра, музокаралар жараёнини кузатиб бориш учун махсус юқори даражадаги қўмита тузишга келишиб олинди.
Қатар ва Покистон томонидан тарқатилган қўшма баёнотга кўра, ушбу қўмита музокаралар устидан сиёсий назоратни таъминлаш ва келишувларнинг самарали амалга оширилишини мониторинг қилиш билан шуғулланади.
Қайд этилишича, музокара гуруҳлари раҳбарлари қўмитага мунтазам равишда ҳисобот тақдим этиб боради. Шунингдек, ядровий масалалар, санкциялар ҳамда низоларни ҳал этиш бўйича ишчи гуруҳлар фаолияти йўлга қўйилади.
Янги механизм музокаралар жараёнининг узлуксизлиги ва келишувларнинг амалий ижросини таъминлашга хизмат қилиши кутилмоқда.
